白衣天使手記

世上沒有好男人

cather1ne — Fri, 29 Aug 2008 23:27:38 +0800

世上真的沒有好男人了!

今明在看定的時候, 剛說到凌醫生本來在追于素秋的, 但突然消聲匿跡, 亦不回覆于素秋的來電, 女性直覺話我知, 他一定是有老婆.

果然他的女朋友發現他有古怪, 急召他回英國, 後來他向于素秋解釋然後分手.

雖然他沒有說明那是女朋友還是太太, 而且最後亦臨崖勒馬, 沒有繼續和第三者發展, 但站在女人的立場, 他在一開始瞞騙女朋友而追于素秋時, 已經是做了錯事.

但原來在男人的角度, 他是”沒有做錯事”.

難道男士們可以忍受自己的女朋友或太太, 在外結交其他男朋友, 只要最後回到他身邊, 也覺得她沒有錯嗎? 不是會罵她是淫婦嗎?

原來男人心中存著這樣的歪理, 難怪會令女人傷心失望了!

住醫院真好

cather1ne — Tue, 26 Aug 2008 00:11:37 +0800

正常人聽到住醫院會覺得”大吉利是”, 但偏偏有很多人喜歡住醫院, 或讓老人家長住醫院, 好處如下:
1) 有些獨居老人自願留院, 因為住院有其他老人家倍, 不愁寂寞.
2) 醫院有免費冷氣, 電視, 食宿.
3) 有姑娘可以當工人使
4) 有夜義工倍他們玩, 玩完仲有禮物送
5) 領綜綬者全部免院費, 其他長者一個月才$2040 ($68/日x30日), 一定平過自己食住, 更加平過任何老人院.
6) 每日有醫生巡視, 保障健康, 就算有病都第一時間有醫生睇, 仲唔使比錢又唔使排隊.
7) 心情唔好找人出氣(包括病人及家人), 打人, 罵人後完全唔使負責,仲可以反過來投訴埋個職員, 兼屈埋佢道歉都仲得.
8) 有時咁唔好彩死咗, 傷咗, 醫得唔夠滿意, 又或者真係存心屈錢, 投訴下, 找個律師, 找個記者攪大佢, 仲有錢賠添.
9) 留長者住院一定放心過比佢獨居或住老人院.
10) 醫院服務和環境一定好過老人院(每月過萬院費的老人院另計, 但有些真的過萬元也不及醫院好)
11) 阿仔阿孫娶唔到老婆, 嫁唔出, 多D去醫院話唔定可以識番個俏護士, 靚醫生, 老咗仲連睇醫生同請私家看護的錢都可以慳埋. (好多阿婆成日向我推銷佢地D孫)
12) 唔合資格申請綜援, 在醫院賴死唔走, 開出條件, 醫務社工自然有方法申請到.

太多好處不能盡錄, 你話醫院又點會唔多”院霸”(霸住醫院床位長住唔走), 而醫管局又完全沒有對策, 又真係”吹佢唔漲, 奈佢唔何”, 長遠計都花納稅人好多錢架, 因為人地一個月比$2040, 但其實每月政府津貼成本最少$90000 一個人咋喎! 仲未計有D完全唔使比錢呢, 醫管局係唔係應該認真諗下辦法呢?

X-files

cather1ne — Thu, 21 Aug 2008 18:36:24 +0800

我是一個X-files迷, 從中學年代已經非常喜歡此TV series. 不買DVD Box set 是因為之前的season 1, 2, 3, 5 在Pearl錄過.及很貴.

早陣子在AXN beyond重播時己經很想join.

現在知道Pearl 重播直頭開心到飛起.

(閱讀全文)

利用傳媒, 顛倒是非

cather1ne — Thu, 21 Aug 2008 18:23:54 +0800

最近看了幾篇”屈週刊” , “西日報”, “月光報” 的報導, 內容大概是講一個病人在晚上不知發生過什麼事, 總之第二日就身上有傷, 家人極不滿, 認定是醫院誣蔑病人晚上自己想下床去廁所時跌倒, 以至弄傷.

我覺得很奇怪, 病人堅稱自己怕黑, 絕不會晚上下床去廁所, 又話自己無落過床,又無跌過, ,咁好地地一個人睡在床上又有傷痕, 除非比人打啦, 否則傷痕何來呢? 但我又相信如果病人話到佢自己咁清醒, 又無可能唔記得比人打喎? 咁就真係鬼整佢啦!

所以想來想去, 最合理的解釋都係跌, 但病人對自己跌倒一點印象都沒有, 又話無落過床, 但如果不是病人自己郁動身體, 莫非比人推落地? 但佢又無比人推過落地的記憶喎? 咁咪即是又係有鬼推佢落地?

其實只要有小小常識的人, 都會覺得整件事跟本就不合情理, 一個堅稱自己清醒的人又怎會不知自己為何跌倒, 甚至不記得有沒有跌倒, 然後一覺醒來就滿身傷痕, 就call 記者一口咬定是醫療疏忽呢?

(閱讀全文)

繼續跟進洩慾事件 (3)

cather1ne — Thu, 21 Aug 2008 00:19:40 +0800

無天理, 識投訴, 識高層, 就可以為所欲為, 橫行霸道. 仲要威脅寫信報館,發簽名運動, 來達到他不出院的目的, 我們整個醫療團隊都可對燈火發誓, 對他公平公正, 現在是他自以為自己母親身份和病情特殊, 根本所有輪侯infirmary療養位的病人也與他母親病情相近, 甚至更差, 如果咁都比佢打到尖, 就真係全香港所有守法輪侯4-6年的病人和家屬都要投訴佢.

(閱讀全文)

洩慾工具 (續一)

cather1ne — Mon, 18 Aug 2008 19:34:57 +0800

醫管局"臭屎密蓋"

今日不用上班, 收到文員的電話, 說上級不會案照指引, 在兩天內把我們填寫的work place violence form 程上HR.

我和同事被恐嚇之後, 大家填寫了一份報告, 用來給上頭知道發生了什麼事.
但現在不用說是醫管局, 連總經理室都未去到已經給打壓下來了, 看來他們又想"臭屎密蓋", 認識高級醫生和院長就可以為所欲為?

醫管局真的可以黑箱作業, 濫用職權, 以權謀私? 請大家快來評評理, 爭取騷市民應有權益!

洩慾工具

cather1ne — Sat, 16 Aug 2008 20:39:59 +0800

自從SARS過了之後, 人們已漸漸淡忘了對醫護人員的敬重. 最近我們又變回病人和家屬發洩的對象. 不理有無道理, 總之第一個見到的工作人員就要鬧, 鬧完先算.

不幸地這個最容易被看見, 又最”好恰”的對象就是護士. 因為我們大多是女人, 而且身形嬌小, 目光和善. 再加上公職人員身穿制服就要 “罵不還口, 打不還手”, 被無理取鬧完仲要投訴你態度唔好.

今日就有一個不孝子來大吵大鬧.

閱讀全文後, 如果各位知道有什麼渠道我可以公開此事, 或使更多人關心此事, 請幫我或告訴我, 因為他在剝削所有市民, 大家都有家人, 大家都會老, 如果他成功的話, 說不定以後就會有更多人有樣學樣.

P.S. please forward this to your friends for support and help.

(閱讀全文)

高層人魔

cather1ne — Fri, 14 Mar 2008 10:33:29 +0800

今日發生了一件事實在令我太激氣, 好需要同大家傾訴一下.

事原我們有位病人要安排出院, 但她有位極品級” trouble”的契女, 所以我們各位高層都繼續她們”多做多錯, 少做少錯, 唔做唔錯”的方針來避開契女.

同契女開會商討出院計劃時, 無一個夠膽問契女可以幾時接病人出院, 開完會後又唔同front line team nurse 講返到底個會講過咩, 就叫我照平常地同佢講”明日要出院.”

好彩我之前收到少少風聲, 原來開會時答應契女早兩至三日前要通知佢, 等佢話安排好咁先可以出院, 否則我走埋去講, 要佢明日走, 跟本就係推我去死. 而當日同契女開會的經理和兩個護士長, 明明成日對住佢都唔講,仲要個契女入埋經理房又反映意見, 佢地面對面單,對單都唔講, 係要等到我下午返工先找我笨, 要我去講.

到我好勇敢又好無奈地問契女話肯星期五走, 之後先話要等社工和專科謢士安排. 大佬呀! 咁做咩唔安排好先叫我去, 仲話要佢明日走, 係人都估到實會投訴啦! 不過就只係擺我一個上檯, 高層全部扮曬無知扮好人囉!

(閱讀全文)

生日快樂

cather1ne — Mon, 05 Feb 2007 00:54:29 +0800

昨天是我的生日, 又大一歲了!
剛看完"生日快樂"(古天樂的movie), 哭了一場是在所難免的.因為我是一個十分眼淺的人!

(閱讀全文)

紅眼症

cather1ne — Wed, 10 Jan 2007 18:55:21 +0800

很久沒有出現因為我染了紅眼症,十分可憐.

(閱讀全文)

Merry Christmas

cather1ne — Sun, 24 Dec 2006 00:38:41 +0800

又是Christmas的時候，每年看到別人高興地準備節目而自己卻要上班，真不是味兒．

今年的聖誕也不例外，要在工作中渡過，不過有義工們來唱唱聖詩，也算有一點點氣紛．（好過無），所以其實義工的工作對病人甚至員工，也很有意義，在此衷心多謝他們．

祝各位聖誕快樂！

我不是死神

cather1ne — Fri, 08 Dec 2006 22:29:04 +0800

每逄大時大節前, 又是"打包"的旺季. 信不信由你, 老人家話就快死的人如果過到大節/生日就會無事.

由於"出事"的次數多了, 比人投訴的機會亦多了. 但大部份都很無理取鬧的.
"點解叫我地來咁多次,次次都話情況唔好,但又守成晚都無事,我都要返工架!"
"點解咁突然,住咗咁耐都話情況唔好佢都無事,點解而家突然會死咗?"
"點解唔早啲通知我地,等我可以早啲來見到佢最後一臉!"

我唔係死神, 你係人我地都人咋, 我唔會知道邊個exectly幾時死架! 無人話過可以留住病人條命,等你地啲咁忙碌的家人得閒來送終那一刻(仲要計埋車程喎!)個病人先死架!

(閱讀全文)

男人的空間

cather1ne — Mon, 04 Dec 2006 18:00:58 +0800

當你身邊的男人說:「請給我一點空間!」

其實他心中想說的是:「請不要看得我太緊,留給我一點去偷食的機會!」

(閱讀全文)

poor 4400

cather1ne — Mon, 27 Nov 2006 15:46:15 +0800

我一向追看AXN的4400(TV series),第一次看已經好喜歡,上一次重播時想錄影,可惜最後因為我去了旅行而失敗.想不到苦候到再重播,只差last一集大結局,都比人搞 'wor '咗,今日實在好激氣.不知要等到何時再有幾會,又要過日日check節目表的日子.

內容是有4400個來自不同時空的人,經過多年失蹤之後(以為是被外星人虜走)忽然出現,並且各有不同的超能力,引起"平常人",包括各國政要的恐懼,(有點兒像movie "X-man)

P.S. 幸好check到11/12開始又有re-run,否則今晚我一定會罵死搞我部錄影機的罪魁禍首

(閱讀全文)

猛鬼醫院(五)被封閉的樓層

cather1ne — Mon, 27 Nov 2006 01:12:33 +0800

護士學校是未有大學護士學生前,唯一訓練護士的地方,而且多設立在歷史悠久的大醫院.

我入行的時候,剛巧是大學續漸取代護士學校的年代,因此我們也可破例地享用到醫院給自己學生用的護士宿舍.

歷史久遠的建築物無法避免曾經發生不幸的事情......

(閱讀全文)